२०८० को राशिफल

वर्षारम्भमा अढैया शनिको र वैशाख ७ गतेदेखि गुरुको केन्द्रादि दोषको प्रतिकूलताले स्वास्थमा बाधा आउने, मनमा चिन्ता बढेर काम बिग्रने योग छ । यस वर्ष राहु र गुरुबाट केन्द्रमा गुरुचण्डाल योग परेको हुँदा धन, मानको क्षति भने प्रशस्तै हुनेछ । छोरीवुहारी र दिदीबहिनीको प्रगति, उनीहरूबाट सहयोग मिल्ने देखिन्छ ।

पञ्चम गुरुको प्रभावले सन्तान पक्षको उन्नति भएपनि राजकुलको चापमा पर्न सकिने सम्भावना छ । राजकर्मचारीहरूको व्यवहारले चित्त दुख्ने छ । तर आफ्नै सीपमा भर पर्दा काम बने अनुसार हुने छ । व्यापारमा सामान्य चल्ने भएपनि नयाँ लगानी नगर्न उपयुक्त हुने छ । स्वास्थ्यमा ध्यान दिने, मध्य वर्षमा आमापक्षबाट सहयोग मिल्ने छ । सामाजिक काममा रुचि बढ्ने भएपनि अनावश्यक भ्रमणमा जान उपयुक्त हुने छैन । राष्ट्रिय तथा अन्तर्राष्ट्रिय राजनैतिक घटनाक्रमले चिन्तामा राख्ने छ ।

यसवर्ष तृतीयमा गुरुको स्थितिले साहस वृद्धि, भाइवहिनीको सहयोग, छोटो यात्रामा सफलता मिल्ने छ । लेखन कार्यमा विशेष सफलता मिल्ने छ । सञ्चार क्षेत्रमा प्रगति हुने छ । हस्तकलामा रुचि बढ्ने छ । नयाँ सीप सिक्ने अवसर मिल्ने छ ।

एकादश शनिको अनुकूलताले आर्थिक लाभ निरन्तर हुने छ । मित्रहरूको सहयोग भरपूर मिल्ने छ । सामाजिक प्रतिष्ठा बढ्ने छ । तृतीय राहुको कारणले भाइवहिनीसित केही मतभेद हुन सक्छ । यात्रामा सावधानी अपनाउनु पर्ने हुन्छ । तर गुरुको शुभ प्रभावले सबै कार्यमा सफलता मिल्ने छ । कलाकला र संस्कृतिको क्षेत्रमा विशेष सफलता मिल्नेछ । आध्यात्मिक उन्नतिको अवसर मिल्ने छ ।